estrella.bloggar.is

�akkaror�.

Mon, 20 Oct 2008 23:24:18 +0000

Kæru vinir og ættingjar.

Við viljum þakka ykkur fyrir allan þann stuðning og hlýhug sem okkur hefur verið sýndur vegna fráfalls okkar ástkæru Hrafnhildar Lilju.

Á erfiðum tímum sem þessum hefur verið ómetanlegt hve allir hafa verið boðnir og búnir til þess að hjálpa okkur, á einn eða annan hátt. Það er auðséð að Hrafnhildur átti yndislega vini, og vinir hennar hafa svo sannarlega staðið þétt við bakið á okkur.

Einnig hefur það gefið okkur styrk að lesa kveðjurnar frá ykkur, og viljum við þakka ykkur fyrir þær.

Með kveðju,
Líney, Georg, Hanna Stella, Alvilda María og Lilja amma.

�akkir

Sun, 28 Sep 2008 00:25:22 +0000

Mig langar að þakka ykkur sem komuð í kirkjuna núna á föstudaginn fyrir góða stund.
Að finna friðinn, kærleikann og ástina koma frá ykkur öllum hjálpaði mér, og vonandi ykkur líka, að takast á við sorgina og að byrja það erfiða verkefni sem bíður okkar allra, að halda áfram lífinu.
Mig langar sérstaklega að þakka henni sr. Jónu Hrönn fyrir sérlega falleg orð og söngurinn og organleikurinn hjá þeim Jóhanni og Önnu Siggur einstaklega fagur.

Eins hafa allar kveðjurnar sem hafa komið hingað inn á síðuna og á facebook, verið mér ómetanlegar að finna þessa samkennd og velvilja.

kveðja
Helena
estrella

B�nastund � V�dal�nskirkju

Wed, 24 Sep 2008 22:54:44 +0000

Kæru vinir

Mig langar til að þakka ykkur fyrir hlý orð í garð Hrafnhildar. Á svona stundum er gott að lesa hughreystandi skeyti.

Okkur vinum Hrafnhildar langaði til að hittast og hafa smá helgistund saman. Sú ákvörðun var tekin að halda bænastund til minningar um hana.

Þeim sem langar að koma og minnast hennar eru boðnir velkomnir í Vídalínskirkju í Garðabæ á föstudaginn 26.september kl 18:00

Vonast til að sjá sem flest ykkar.

kveðja
Helena
estrella

Til minningar um okkar �stk�ru Hrafnhildi Lilju

Wed, 24 Sep 2008 14:40:23 +0000

Megi hún hvíla í friði og guð veri með henni og okkur öllum í gegnum þennan erfiða tíma.

Kæra fjölskylda og vinir Hrafnhildar Lilju,

Stofnaður hefur verið minningarsjóður til að minnast Hrafnhildar okkar.

Það er ekkert verra en að missa ungt fólk sem er í blóma lífsins. Mér finnst að enginn ætti að þurfa að ganga í gegnum svona mikla sorg, en það er víst ekki mitt að ákveða.

Við sem eftir erum hugsum í dag sem og ávallt til hennar, Liljunnar okkar. Hún var og verður elskuð af okkur öllum í gegnum allt lífið þar til hvert og eitt okkar hverfur á fund skaparans og hittir hana þar vonandi aftur. Hlæjandi og dansandi eins og hún var alltaf.

Við minnumst alls þess góða sem Hrafnhildur gaf af sér til að gera heiminn og okkur að betra fólki.

Þeir sem vilja minnast hennar er bent á minningarsjóðinn, reikningsnúmerið er 0537-14-609973 og kennitala 081079-5879

kveðja
Helena
estrella

Augun mín og augun þín,
ó þá fögru steina.
Þitt var mitt og mitt var þitt
þú veist hvað ég meina.

Sorgart��indi - Mournful tidings

Tue, 23 Sep 2008 15:33:41 +0000

Þegar ég sit hérna fyrir framan tölvuskjáinn þá vantar mig orð. Mig skortir allt til að koma því sem mig langar til skila.

Í dag fengum við þessar hörmulegu fréttir að hún Hrafnhildur okkar væri dáin.

Það er lítið sem orð geta bætt og skilningur minn á því af hverju eða frekar hvernig svona hlutir geta gerst er enginn.

Kæru vinir sem lesið þetta, ég votta ykkur samúð mína. Það er skelfilegt að sjá á eftir svona góðri stelpu sem hún var og ekkert, hvorki tími né orð geta breytt því.

kveðja
Helena
estrella

While sitting here in front of the computer my words escape me. Nothing comes to mind to try to get to grips with what happend.

Today we got the news that our dear friend Lilja is gone.

Dear friends, my heart goes out to you all. This is a terrible tradigy and having to say goodbye to such a great person is hard, impossible maybe, and nothing, not time or words will ever change that.

with regards
Helena
estrella

Hvernig bit ???

Mon, 15 Sep 2008 18:53:15 +0000

Hola linda....

Lífið hérna á Kitebeach rennur framhjá manni og nóg að gera.

Nýjasta nýtt er að ég var bitin, sem er ekkert nýtt, en í þetta skiptið á stóru tánna á vinstri fæti og fékk svo sýkingu í bitið :/ ekki nógu gott... er búin að prufa tannkrem, vinegar (man ekki íslenska heitið, er strax farin að gleyma móðurtungunni), Hydrogen Peroxide, þetta kremið og hitt kremið og endaði loksins á að fara til læknis í morgun !

Hann sagði, velkomin í miðjarðarhafið !

(By the way, hann er sjálfur frá Indlandi) Svo fékk ég krem og sterkari lyf en má samt búast við að það taki heila 10 daga fyrir þetta að gróa og hverfa alveg :/

Frekar fúlt þar sem ég er bókstaflega haltrandi um hérna með grysju á fætinum sem lítur frekar hallærislega út. Fólki finnst samt mjög gaman að giska á hvernig bit þetta er, tillögurnar eru eftirfarandi:

1) maur

2) stóru svörtu maurarnir

3) vespa

4) könguló (æj, æj)

Alla vega, þá er þetta helv. vont þar sem ég er búin að vera með hita og vakna við sársaukann á nóttunni þegar verkjalyfin hætta að virka, eins gott að maður endi nú ekki sem einhver pillupoppandi rugludallur eftir þetta.

Jæja, tvöfaldur útborgunardagur í dag svo það er nóg að gera, borga öllu föstu starfsfólki og svo kennurunum í skólanum :)

Hasta pronto,

Hrafnhildur Lilja

Ps. takk fyrir commentin, endilega verið dugleg að commenta svo ég verði dugleri að bloggar ;þ

Ps.2

Dagný, til hamingju með flutningana, væri frábært að heyra í þér á skype...

Ps.3 Sessa, næ aldrei á þér á skype, hvað er málið sæta?

Ps.4 Rubia, gracias para llamarme y todo, hasta muy pronto guapa ;þ

Ps.5 Mamma, stolt af þér að skrifa ;)

Ike er farinn

Sun, 07 Sep 2008 13:54:26 +0000

Hæ víkingarnir mínir

Fellibylurinn Ike er farinn framhjá DR og ja, við fengum fullt af rigningu og smá vind í gær og núna er skýjað og vindur en ekkert meira en það :)

Reyndar heyrði ég í morgun að það sé mun hvassara í öðrum bæ hérna nálægt en ég virðist búa á stað sem er mjög heppinn og hingað koma fellibylirnir venjulega ekki :D

Rafmagnið er búið að vera mjög kenjótt undanfarið svo ég hef ekki getað verið lengi í sambandi en vonandi fer það að breytast aftur svo ég nái nú að spjalla við ykkur þarna heima, er farin að þrá fréttir af ykkur...

Takk fyrir kveðjurnar elskurnar mínar,

Hrafnhildur Lilja

estrella

Ike

Wed, 03 Sep 2008 17:58:50 +0000

Hæ allir

Alveg rétt, það tekur jú bara smá stund að skrifa að ég sé á lífi ;)

Undanfarna daga er búið að rigna alveg heilmikið og í gær kom loks vindur með og local strákarnir hérna skelltu sér út á sjórinn, snarbrjálaðir en rosa gaman að sjá. Við tókum fram borðtennis borð og ég setti á nýjan happy hour (gleðitíma með ódýru áfengi) fyrir gestina þar sem það voru allir blautir og kaldir og farið að leiðast þar sem við höfðum ekkert rafmagn.

Núna erum við að undirbúa komu Ike, sem er fellibylur sem gæti mögulega komið hingað á laugardaginn, en engar áhyggur, við erum að undirbúa okkur svo allt fari vel :)

Sakna ykkar allra,

Hrafnhildur Lilja

estrella

V� hva� t�minn l��ur hratt...

Tue, 26 Aug 2008 16:14:39 +0000

Er á lífi en bara rétt svo... hrykalega mikið búið að vera að gera en vildi bara láta vita af mér :)

Áfram Ísland !!

Luv U,

Hrafnhildur Lilja

estrella

Myndir...

Sun, 10 Aug 2008 13:11:59 +0000

Komnar inn nokkrar myndir héðan úr DR :)